Baadaliyo Aankhadalyaan Mein बादलियो आंखड़ल्यां में (Jain Bhajan)

बादलियो आंखड़ल्यां में

लय - रुं रुं  से में सांवरियो बसियो 
रचयिता - आचार्यश्री तुलसी

बादलियो आंखड़ल्यां में वरस्यो, आंखइल्यां में वरस्यो, 
गण - बाड़ी खिल ज्यावेला, ओ संतां ।
मुरझ्योड़ा ओ मनड़ो हरस्यो, ओ मनड़ो हरस्यो, 
अनुशासन मिल ज्यावेला, ओ संतां ॥ 

तपस्या री जोत ले' र देह न सुकाई है,
नदियां री ताती रेत शीतल बणाई है,
इन्दासण हिल ज्यावेला, ओ संतां  ll

विनती रा बोल सुणो उभां हां म्हे सामने,
ओ कोई वनवास से आदेश मिल्यो राम नेे,
छमता के छिप ज्यावेेला, ओ संतां ll

थे हो बुद्धिमान थां में ज्ञान से उजास है,
थारै उपर देखो म्हारो पूरो विश्वास है,
कुण दूजो दिल आवेला, ओ संतां ll

थां स्यूं म्हाने आगे और घणी - घणी आस है, 
देखो आं कंठां में आज कित्ती - कित्ती प्यास है, 
कुण इमरत बरसावेला ओ संतां ll

छोड़ो आप अबे तपस्या ने म्हारे वास्ते,
लोगां से कल्याण हुवै लागो उण रासते,
जबरी जाग्रति आवेला, ओ संतां ll

गहरेे पाणी पेठ के विचारी सुरुवात नेे, 
भावी भरी लाभ सिकारी सारी बात नेे, 
गांठां से खुल ज्यावेला, ओ संतां ll

हुई धर्मकांति आग्यो चेतना में चानणो,
बड़ा - बड़ा ढ़िवालों ने पड्यो लोहो मानणो,
इचरज सबनेे आवेला, ओ संतां ll

पढ़ायो ओ पाठ पैलो रहो एक डोर में,
प्राण स्यूं भी उंचो प्रण, सोच्यो भोर - भोर में,
सुजस अमर बण ज्यावेला, ओ संता ll

थिरपाल फतै आज तेरापंथ संघ में, 
हरस हुलास आज म्हारेे अंग - अंग में, 
'तुलसी' मोद मनावेला, ओ संतां l 
वसुगढ़ में रंग छावैला, ओ संतां l
मर्यादा मन भावेेला, ओ संतां । 
मोछव सदा स्वावैला, ओ सतां l