Ji Main Charanon Sheesh Navaoon जी मैं चरणां शीश नमाऊं (Jain Bhajan)

सीमंधर भगवान

जी मैं चरणां शीश नमाऊं, जी मैं दर्शण किण विध पाऊँ । 
जी म्हारी वीनतड़ी अवधारो, जी मोहे तारो पार उतारो  l 
जी संसार लगेै छै खारो, जी वैराग्य लगे छे प्यारो  l 
जी म्हारा आवागमन निवारो, जी सीमंधर भगवान ॥

समंधर प्रभुजी नेै प्रणमुं, चरणां शीष नमाय  l 
आप तणां गुणमुख स्यूं गायां म्हारा, भव - भव रा दुख जाय । l  
स्वाम म्हारा भव - भव रा दुख जाय, जी मैं चरणां...

चौतीस अतिशय अति शोभता, वाणी गुण पैंतीस  l 
एक सहंस अठ लखण विराजै, जीत्या राग न रीष  l l  

काया ऊंची धनुष पांच सौ, सुतर में विस्तार | 
स्फटिक सिंहासन आप विराज्या, थाप्या तीरथ च्यार  l l  

झिगमिंग ज्योत झीगमिंग दीपेे, कंचन वरणी काय । 
चौसठ इन्द्र करे थांरी सेवा सुर नर लागे पाय

हीवड़े में तो ढूंस घणी छेे, दर्शण करूं तिहां आय । 
आडा पर्वत बहती नदियां, आयो किणविध जाय 

देव मित्र इसड़ो नाहि म्हारेे विमान में बैसाय । 
शक्ति नहीं मैं किणविथ आऊं, लब्धि न फोड़ी जाय

इह भव में तो आय नहि सकु, करूं नुं कोई उपाय | 
सूतर मांही वचन आपरा, चालू निर्मल न्याय

शील रथे ऊपर बेसी नै, धर्म ध्वना फहराय । 
समकित ज्योति करी अगवाणी, करण जोग चित्त ल्याय ॥ 

ज्ञान कटारी कस कर बांधू, तप रूपी तलवार 
राग द्वेष दोय पतला पाडूं, करदयूं खेतो पार 

सूत्र वचन परमाण करी नै च्यार कषाय निवार । 
अरिहंत सिद्ध तणा गुण गाऊ, इम उतरुं भव पार । 
स्वाम म्हारा इम उतरूं भव पार, जी में चरणां